افغاني سرې میاشتې سرپرست عمومي رئیس ښاغلي مولوي مطیع الحق او د ایران د سرې میاشتې پلاوي د سعودي عربستان د جدې په ښار کې لیدنه ترسره کړه!
افغاني سرې میاشتې سرپرست عمومي رئیس ښاغلي مولوي مطیع الحق او د ایران د سرې میاشتې پلاوي د سعودي عربستان د جدې په ښار کې لیدنه ترسره کړه. ناسته کې په ګډ فعالیت او همکارۍ هوکړه وشوه او د روغتیا په برخه کې د یوې توافقنامې پر بنسټ د ګډ فعالیت ژمنه وشوه. همدا ډول د حج د اُمورو د تنظیم لپاره د رضاکارانو پر روزنه او پر ځان د بساینې پر پروژو هم خبرې وشوې. د ایران د سرې میاشتې د پلاوي مشر ډاکتر یعقوب سلیماني د افغاني سرې میاشتې سرپرست عمومي رئیس ښاغلي مولوي مطیع الحق خالص ته ایران ته د ورتلو بلنه هم ورکړه؛ ترڅو د ایران د سرې میاشتې فعالیتونه وویني.
