پکتیکا
افغاني سرې میاشتې له لورې د پکتیکا ولایت د زلزله ځپلو لاسنیوې لا هم روان ساتلی، په همدې موخه چهارشنبه د جمادی الاولی په ۱۳مه د افغاني سرې میاشتې له لورې د پکتیکا ولایت د ګیان ولسوالۍ په بیلابیلو کلیو کې ۱۲۰ زلزله ځپلو کورنیو سره د خوراکي توکو مرسته وشوه. یاده مرسته چې د ترکیې هیواد شنې میاشتې لخوا چمتو شوی وه په کې هرې کورنۍ ته ۲۵ کیلو اوړه، ۷ کیلو وریژي، ۵ لیتره غوړي، ۷ کیلو بوره، ۷ کیلو لوبیا، ۲ کیلو مالګه او ۲ کیلو شین چای شامل وو. د یادونې وړ ده چې له دې مخکې هم د افغاني سرې میاشتې له لورې د یاد ولایت په برمل او ګیان ولسوالۍ کې ۱۱۰۰ زلزله ځپلو کورنیو سره د خوراکي او غیر خوراکي توکو مرسته ترسره شوی وه.
