هلمند؛ ۱۰۵ زده کوونکي له ښوونیز مرکز څخه فارغ شول
یکشنبه، ۱۴ ربیع الآخر ۱۴۴۸
د افغاني سرې میاشتې له لوري د هلمند ولایت د ځوانانو او رضاکارانو له ښوونیز مرکز څخه ۱۰۵ تنه زده کوونکي د خپلو زده کړو له بشپړولو وروسته فارغ شول.
دغو زده کوونکو د انګلیسي ژبې، کمپیوټر او اداري مهارتونو په برخو کې زده کړې ترسره کړې دي.
افغاني سره میاشت په ټول هېواد کې د خپلو ۳۷ ښوونیزو مرکزونو له لارې اړمنو ځوانانو ته د لنډمهاله وړیا زده کړو او مهارتونو د ترلاسه کولو زمینه برابروي؛ څو هغوی وکولی شي په ټولنه کې فعال او اغېزمن رول ولوبوي.
