پکتیکا؛ تر ۲۰۰۰ جریبه کرنیزې ځمکې د خړوبولو لپاره د اوبو پروژه بشپړه شوه
پنجشنبه، ۸ جمادی الآخره ۱۴۴۸
د افغاني سرې میاشتې له لوري د پکتیکا ولایت په برمل ولسوالۍ کې د ۳.۵ میلیونه افغانیو په ارزښت د اوبو کانال او حوض جوړولو پروژه ګټې اخیستنې ته وسپارل شوه، چې ۱۵۰۰ تر ۲۰۰۰ جریبه کرنیزه ځمکه به خړوبه کړي.
په دې پروژه کې ۴۰۰ متره کانال او د ۲۰×۳۰ مترو په اندازه د اوبو حوض جوړ شوي او ۱۵۰۰ متره کانال پاک شوی دی.
د پروژې پر مهال ۸۸ کاریګرو ته د ۳۰ ورځو لپاره د کار زمینه برابره شوه، چې ۲۱ مسلکي کاریګرو ته هر یوه ته ۲۴ زره او ۶۷ غیر مسلکي کاریګرو ته هر یوه ۱۵ زره افغانۍ مزد ورکړل شو.
دغه پروژه د سره صلیب نړیوالې کمېټې په مالي ملاتړ پلې شوې او د برمل ولسوالۍ د ۳۵۰ کورنیو د اوبو اړتیاوو پوره کولو، د کرنیزو ځمکو خړوبولو او د خلکو د معیشت ملاتړ په موخه ترسره شوه.
افغاني سره میاشت د ورته پروژو له لارې د کرنیزو ځمکو د خړوبولو اسانتیاوې برابروي او خلکو ته د کار او عاید زمینه رامنځته کوي.
