هرات کې د افغاني سرې میاشتې له لوري ۶۰۰ نورو اړمنو کورنیو ته مرسته وویشل شوه!
نن د روان ۱۴۰۰ لمریز کال د مرغومي پر ۱۶مه د هرات ولایت په لسمه او څوارلسمه ناحیه کې ۶۰۰ اړمنو او وچکالۍ ځپلو کورنیو ته د افغاني سرې میاشتې له لوري د خوراکي توکو او ژمنۍ البسې مرسته وویشل شوه.
په یاده مرسته کې ۵۰ کیلو اوړه، ۲۴.۵ کیلو وریژې، ۱۰ لیتره غوړي، ۷ کیلو لوبیا، ۵ کیلو بوره،۱ کیلو شین چای، ۲ کیلو مالګه، یو بي پي ۵ بیسکوټ، ۷ جوړه جرابې، ۶ جمپرونه، یو ښځینه شال، یو جوړ بوټان او دستکشې شامل دي.
روانه اونۍ په هرات ولایت کې ۶۰۰ نورو اړمنو کورنیو سره هم د افغاني سرې میاشتې له لوري د خوراکي او غیر خوراکي توکو مرسته شوې وه.
