سرپرست عمومي رئیس د نړيوال فدراسيون له سرپرست مسٸول سره د راستنېدونکو کډوالو ستونزو او اړتیاوو ته د رسېدنې په موخه د همغږۍ ناسته وکړه!
سرپرست عمومي رئیس د نړيوال فدراسيون له سرپرست مسٸول سره د راستنېدونکو کډوالو ستونزو او اړتیاوو ته د رسېدنې په موخه د همغږۍ ناسته وکړه!
نن شنبه د شوال میاشتې پر ۲۱ مه، د افغاني سرې میاشتې سرپرست عمومي رئیس ښاغلي شيخ الحديث شهاب الدین دلاور ددې خيريه ملي ټولنې په مرکزي دفتر کې په افغانستان کې د نړيوال فدراسيون له سرپرست مسٸول ښاغلي احمد سليمان، د راستنېدونکو کډوالو لپاره د نړیوال فدراسيون د آسيايي برخې مسٸولې آغلې هیلن او د ستراتیژیکې همغږۍ او بشري دېپلوماسۍ مسؤلې آغلې هُما نادر سره تورخم ته د یاد پلاوي د وروستي سفر پر مهال د راستنېدونکو کډوالو د وضعیت ارزونې او د هغوی ستونزو او اړتیاوو ته د رسېدنې په اړه د ترلاسه کړیو معلوماتو په موخه د همغږۍ ناسته وکړه.
ناسته کې سرپرست عمومي رئیس د نړیوال فدراسیون د هڅو او بشرپاله مرستو مننه وکړه او تورخم فرضي کرښه کې عمري پنډغالي ته د راستنېدونکو کډوالو د وضعیت ارزونې برخه کې یې د دوی سفر مهم یاد کړ.
دا راز ښاغلي دلاور افغانستان ته د راستنېدونکو کډوالو ناڅاپي او په لوړه کچه راتګ یو لوی بشري ناورین وباله او له دوی څخه یې د لا ډېرو مرستو او همکاريو غوښتنه وکړه.
ورپسې د نړیوال فدراسیون مسئول او مل پلاوي تورخم ته د خپل سفر په ترڅ کې راستنو شویو کډوالو ته د افغاني سرې میاستې له لوري د ترسره کېدونکو بېلابېلو خدماتو ستاینه وکړه او ژمنه یې وکړه چې تورخم او سپين بولدک کې به دوه، دوه ګرځنده روغتیایي ټيمونه ګماري او هم به له یادو لارو راستنېدونکو ۲۰۰ امیندواره مېرمنو ته له زېږونه وروسته د مناسبو خوړو او درملو ترلاسه کولو په موخه هرې مېرمنې سره يو سل او پنځوس (۱۵۰) امریکايي ډالر نغدي مرسته هم وکړي.
