د افغاني سرې میاشتې له لوري په هرات کې د مالي تګلارې څلور ورځنی ورکشاپ پای ته ورسېد
چهارشنبه، ۲۲ رمضان ۱۴۴۷
د افغاني سرې میاشتې له لوري هرات ولایت کې د لویدیځ او سویل لویدیځ زونونو او اړوندو نمایندګیو ۱۷ تنو مالي مدیرانو ته د مالي تګلارې په اړه څلور ورځنی ورکشاپ پای ته ورسېد.
په دغه ورکشاپ کې ګډونوالو ته د مالي تګلارې، حساب ورکونې اصولو، شفافیت او د مالي مقرراتو د تطبیق اړوند نظري او عملي روزنه ورکړل شوه.
د یاد ورکشاپ موخه د مالي مدیرانو د مسلکي وړتیاوو لوړول او د اداري چارو د معیاري کېدو پیاوړتیا وه، څو د ټولنې مالي چارې د ټاکلو تګلارو او مقرراتو په اساس پر مخ ولاړې شي.
افغاني سره میاشت د خپلو اداري او تخنیکي کارکوونکو د ظرفیت د لوړولو په موخه په دوامداره توګه ښوونیز او روزنیز پروګرامونه تنظیموي.
