افغاني سرې میاشتې د بې وزلۍ له امله د خپلو ګردو پلورونکي شخص لاسنیوی وکړ
افغاني سرې میاشتې د بې وزلۍ له امله د خپلو ګردو پلورونکي شخص لاسنیوی وکړ!
نن دوشنبه د رجب میاشتې پر ۱۲مه، د افغاني سرې میاشتې د سرپرست عمومي رئيس ښاغلي شيخ الحديث شهاب الدين دلاور له لوري د هغې کورنۍ له سرپرست سره، چې څو ورځې وړاندې یې د ډېر غربت له امله خپله ګُرده پلورله او ویډيو یې په ټولنیزو رسنیو کې لاس په لاس کېده؛ د خوراکي او غیرې خوراکي توکو ترڅنګ ۲۰ زره افغانۍ نغدي مرسته ترسره شوه.
د یادونې وړ ده، چې یاد کس د افغاني سرې میاشتې د سرپرست عمومي رئیس له لوري د لوګر ولایت په نمایندګۍ کې د ساتونکي په توګه هم وګمارل شو، څو وکولی شي راتلونکي کې د خپلې کورنۍ اړتیاوې په خپله پوره کړي.
