د افغاني سرې میاشتې سرپرست عمومي رئيس د آسیا لپاره د بېلګېټس بنسټ د پولیو برخې له مسؤلې سره وکتل
د افغاني سرې میاشتې سرپرست عمومي رئيس د آسیا لپاره د بېلګېټس بنسټ د پولیو برخې له مسؤلې سره وکتل
نن یکشنبه د جمادي الأولی د میاشتې پر ۱۵مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن د آسیا لپاره د بېلګېټس بنسټ د پولیو برخې له مسئولې آغلې اناماریا او مل پلاوي سره په خپل کاري دفتر کې د همغږۍ ناسته ترسره کړه.
ناسته کې د افغاني سرې میاشتې سرپرست عمومي رئيس ددې خيريه ملي ټولنې له لوري بې سرپرسته او اړمنو کورنیو ته د مرستونونو او روغتیایي مرکزونو له لارې د ترسره کېدونکو خدماتو او د طبيعي پېښو زیانمنو ته د بېړنیو او اړینو مرستو برابرولو په برخه کې هر اړخيز او تفصیلي معلومات وړاندې کړل او له هغوی څخه یې د مرستو د پراختیا او زیاتوالي غوښتنه وکړه.
ورپسې د آسیا لپاره د بیلګېټس بنسټ مسئولې د افغاني سرې میاشتې خدمات وستایل او ددې خیريه ملي ټولنې له لوري ترسره کېدونکي خدمات یې د اړمنو او ناروغانو لپاره خورا مهم او اغېزمن وبلل او ژمنه یې وکړه، چې له افغاني سرې میاشتې سره به خپلې مرستې زیاتوي.
