افغاني سرې میاشتې په کاپیسا ولایت کې ۳۰۰ کورنیو سره مرسته وکړه!
نن د دوشنبې په ورځ د روان ۱۴۰۰ لمریز کال د کب پر ۹مه نېټه په کاپیسا ولایت کې د محمود راقي د ښار د بېلابېلو سیمو ۳۰۰ بې سرپرسته، بې ځایه شویو، معیوبینو او اړمنو کورنیو ته د ترکیې د سرې میاشتې له لوري د خوراکي او غیر خوراکي توکو شوې مرسته د افغاني سرې میاشتې له لوري وویشل شوه. په یاده مرسته کې هرې کورنۍ ته ۲۵ کیلو اوړه، ۵ کیلو وریژې، ۵ قطعۍ لوبیا، ۴ قطعۍ نخود، ۱ کیلو چای، ۱ کیلو د رومیانو رًب، ۵ لیتره غوړي، ۳ کمپلې، ۱بنین، او ۵ جوړې جرابې شاملې دي.
