کابل؛ پر ۳۹ راستنو شوو کډوالو کورنیو نغدي مرسته ووېشل شوه
سې شنبه، ۸ شعبان ۱۴۴۷
د افغاني سرې میاشتې مرکزي دفتر کې د کابل ښار بېلابېلو ناحیو ته په راستنو شوو ۳۹ کډوالو کورنیو د بېړني لاسنیوي په موخه اووه سوه اتیا زره (۷۸۰،۰۰۰) افغانۍ نغدي مرسته ووېشل شوه، چې هرې کورنۍ ته شل زره افغانۍ ورکړل شوې.
یاده مرسته د افغاني سرې میاشتې د عمومي رئيس ښاغلي شيخ الحدیث شهاب الدین دلاور او د نوموړي مرستیال ښاغلي حافظ عزیز الرحمن په شتون کې ووېشل شوه.
د يادونې وړ ده، چې افغاني سرې میاشتې تر دې وړاندې د کابل ولایت په ګډون د هېواد په ۱۸ ولایتونو کې زرګونه راستنو شوو کډوالو کورنیو ته نغدي، خوراکي، غیر خوراکي او ژمنۍ مرستې برابرې کړې دي.
