د افغاني سرې میاشتې اړوند د سوري زړه په رنځ د اخته ناروغانو د درملنې روغتون نږدې راتلونکي کې خپل فعالیت پيلوي!
د افغاني سرې میاشتې اړوند د سوري زړه په رنځ د اخته ناروغانو د درملنې روغتون نږدې راتلونکي کې خپل فعالیت پيلوي!
نن دوشنبه د ذوالقعدې میاشتې پر ۲۱ مه، د افغاني سرې میاشتې د رهبرۍ ناسته د دې خیریه ملي ټولنې د سرپرست عمومي رئیس ښاغلي شیخ الحدیث شهاب الدین دلاور تر مشرۍ لاندې د نوموړي د مرستیال ښاغلي حافظ عزیز الرحمن، سرپرست سکرتر جنرال ښاغلي مولوي روح الله عبدالسلام او د مرکزي دفتر د بېلابېلو څانګو د ځينو مسٸولینو په شتون کې ترسره شوه.
ناسته کې سرپرست عمومي رئیس له مسئولینو سره د دې خیریه ملي ټولنې اړوند د سوري زړه ناروغانو په روغتون کې د عملیاتونو د پيل، شته ستونزو د حل او يو شمېر نورو اداري موضوعاتو په اړه بحث او خبرې وکړې، ترڅنګ یې د بحث شویو موضوعاتو په تړاو اړوندو مسٸولینو ته د چارو د لا ښه والي په موخه اړینې سپارښتنې او لارښوونې هم وکړې.
د یادونې وړ ده، چې افغاني سرې میاشتې د سوري زړه ناروغانو د درملنې برخه کې د مجهز روغتون له نشتون سره سره بیا هم د هېواد د ننه له بېلابېلو کورنیو روغتونونو سره د لاسلیک کړو هوکړه لیکونو له مخې زرګونه د سوري زړه په رنځ اخته ناروغان تداوي کړي او د ټولو ناروغانو لګښت یې هم ورکړی دی.
