د افغاني سرې میاشتې د غصب شويو ځمکو د استرداد لپاره ځانګړې کمېټه وټاکل شوه.
د افغاني سرې میاشتې د غصب شويو ځمکو د استرداد لپاره ځانګړې کمېټه وټاکل شوه.
نن د ربیع الأول د میاشتې پر ۲۹ مه، له اجنډا سره سم د افغاني سرې میاشتې د رهبرۍ او مرکزي رئیسانو تر منځ په کارونو کې د همغږۍ او اداري چارو د لا ښه والي په موخه ګډه ناسته ترسره شوه.
ناسته کې د افغاني سرې میاشتې سرپرست عمومي رئیس ښاغلي شيخ الحديث شهاب الدين دلاور ګډونوالو ته مسؤلیت ته په ژمنتیا او په چارو کې د رښتینولۍ په هکله هر اړخيزه وینا وکړه. دا راز ښاغلي دلاور د افغاني سرې میاشتې اړوند د غصب شویو ملکیتونو د راګرځولو په موخه د يوې ځانګړې کمېټې د ټاکلو سربېره له شته املاکو څخه د ترلاسه کېدونکو عوایدو د تنظيم، ددې خيريه ملي ټولنې کارکوونکو ته په دنده کې د اړتیا وړ توکو او لوازمو برابرولو او هېوادوالو ته د ترسره کېدونکو بشرپالو خدماتو پر پراختیا ټینګار وکړ.
د ناستې په پای کې د افغاني سرې میاشتې سرپرست عمومي رئیس د پورته ذکر شویو موضوعاتو په تړاو د اړوندو مسئولینو نظرونه واورېدل او د ستونزو د حل ترڅنګ یې د ریاستونو مسئولینو ته لازمې سپارښتنې وکړې.
