د افغاني سرې میاشتې سرپرست عمومي رئیس د اسلامي پراختیایي بانک له ځانګړي مشاور او د افغانستان د برخې مسؤل سره ولیدل!
د افغاني سرې میاشتې سرپرست عمومي رئیس ښاغلي مولوي مطیع الحق خالص سعودي عربستان ته د خپل رسمي سفر په لړ کې د اسلامي پراختیایي بانک له ځانګړي مشاور او د افغانستان د برخې مسؤل ښاغلي انجینر محمد بن جمال الساعاتي سره ولیدل. ناسته کې ښاغلي الساعاتي د اسلامي پراختیایي بانک د پالیسۍ او کاري برخو د تشریح ترڅنګ وویل په اسلامي پراختیایي بانک کې د افغانستان لپاره په ۲۰۲۲ز کې د زده کړو، روغتیا، کورني معیشت او د څښلو د اوبو په برخو کې د مرستې په موخه صندوق تأسیس شوی، چې تر دا مهاله په کې ۳۲ میلیونه امریکایي ډالر جمع شوي نوموړي وویل د اسلامي پراختیایي بانک له لوري په افغانستان کې له موجودو نړیوالو موسسو سره د ۷ پروژو د تطبیق لاسلیکونه شوي، چې اوس د تطبیق په حال کې دي او د کرنې، اوبو لګولو او کارموندنې په برخو کې نوې پروژې هم په پلان کې لري ناسته کې د افغاني سرې میاشتې سرپرست عمومي رئیس ښاغلي مولوي مطیع الحق خالص د افغاني سرې میاشتې پر فعالیتونو او ظرفیتونو معلومات وړاندې کړل او د افغاني سرې میاشتې له لوري د سوري زړه په ناروغۍ د اخته ماشومانو د درملنې لپاره د جوړ شوي ځانګړي روغتون د تجهیز غوښتنه یې وکړه ښاغلي الساعاتي ژمنه وکړه، چې د یاد روغتون د تخنیکي کسانو او د روغتیاپالو په تخصص کې به افغاني سرې میاشتې ته د همکارۍ لاس ورکړي. نوموړي وویل اسلامي پراختیایي بانک پر ځان د بساینې په پروژو کې د افغاني سرې میاشتې لاسنیوي ته چمتو دی. ناسته کې پر دوه اړخیزه همکارۍ توافق وشو.
