خوست؛ پر ۹۹ داخلي بېځایه شویو کورنیو د لومړنیو اړتیاوو توکي ووېشل شول
یکشنبه، ۹ ذو القعده ۱۴۴۷
د افغاني سرې میاشتې له لوري د خوست ولایت د ځاځي میدان او علیشېرو ولسوالیو د بېلابېلو سیمو پر ۹۹ داخلي بېځایه شویو کورنیو بشري مرسته ووېشل شوه.
دغه مرسته چې د لومړنیو اړتیاوو د پوره کولو په موخه چمتو شوې وه، له مخې یې هرې کورنۍ ته یوه خېمه او یو ترپال ورکړل شو.
افغاني سره میاشت تل هڅه کوي، چې د پېښو او ناورینونو له امله د بېځایه شویو هېوادوالو د ژوند د هوساینې او ښه والي لپاره اغېزمن خدمتونه ترسره کړي.
