بادغیس کې ۴۰۰ راستنو شوو کورنیو ته غیر خوراکي مرستې ووېشل شوې
شنبه، ۱۷ شوال ۱۴۴۷
د افغاني سرې میاشتې له لوري د بادغیس ولایت په مرکز قلعه نو ښار کې ۴۰۰ راستنو شويو کډوالو کورنيو ته غیر خوراکي بشري مرستې ووېشل شوې.
د مرستو له مخې هرې کورنۍ ته ۲ کمپلې، ۱ پلاستیکي سطل، ۱ تشت، ۱ د روغتیا ساتنې بسته او نور اړین توکي ورکړل شول.
یادې مرستې د راستنو شوو هېوادوالو د اساسي اړتیاوو د تأمین په موخه ترسره شوې.
افغاني سره میاشت هڅه کوي چې له راستنو شوو هېوادوالو پر وخت لاسنيوی وکړي او د هغوی د ژوند د ښه والي لپاره لازمې بشري اسانتیاوې برابرې کړي.
