سمنګان؛ د تندر لوېدو له امله زیانمنې کورنۍ سره نغدي مرسته وشوه
پنجشنبه، ۱۵ شوال ۱۴۴۷
د افغاني سرې میاشتې له لوري د سمنګان ولایت د خُرم سارباغ ولسوالۍ د لنګر په سیمه کې له یوې هغې کورنۍ سره، چې د تندر لوېدو له امله زیانمنه شوې وه، نغدي مرسته وشوه.
په مرسته کې یادې کورنۍ ته د بېړني لاسنیوي او بشري خواخوږي په موخه ۳۰ زره افغانۍ ورکړل شوې.
د طبیعي پېښو له امله زیانمنو هېوادوالو ته پر وخت رسېدګي او د هغوی لومړنۍ اړتیاوې پوره کول د افغاني سرې میاشتې کاري وجيبه ده.
