د ورښتونو زیانمنو ته بېړنی ملاتړ؛ هرات کې ۲ کورنیو نغدي مرسته تر لاسه کړه
چهارشنبه، ۹ شعبان ۱۴۴۷
د سختو بارانونو د ورښت له امله د هرات ولایت د انجیل ولسوالۍ اړوند د شیدایي او ابو الولید سیمو له ۲ زیانمنو شوو کورنیو سره د افغاني سرې میاشتې له لوري نغدي مرسته وشوه، چې هرې کورنۍ ته ۱۰،۵۰۰ افغانۍ ورکړل شوې.
دغه مرسته له یادو کورنیو سره د بېړني لاسنیوي او بشري خواخوږي په موخه ترسره شوه.
افغاني سره میاشت هڅه کوي، چې له اړمنو او بېوزله کورنیو سره د هر اړخیزو بشري مرستو لړۍ په دوامداره توګه وساتي او د هغوی په ژوند کې آسانتیاوې رامنځته کړي.
