افغاني سره میاشت؛ د مالي تګلارې جوړولو په تړاو روزنیز ورکشاپ وړاندې شو
شنبه، ۲۳ صَفَر ۱۴۴۷
د افغاني سرې میاشتې په مرکزي دفتر کې د یو شمېر مرکزي رئیسانو، آمرینو او په افغانستان کې د کاري شریکانو ( آی سي آر سي، د ملي ټولنو نړیوال فدراسیون، قطر او ترکیې سرو میاشتو، ناروې او ډنمارک سرو صلیبونو) د استازو په شتون کې د مالي تګلارې جوړولو په تړاو روزنیز ورکشاپ وړاندې شو.
یاد ورکشاپ کې د افغاني سرې میاشتې لپاره د نوې او اغېزمنې مالي تګلارې په جوړولو بحث وشو، چې په پیل کې یې د افغاني سرې میاشتې د مالي چارو رئیس محترم حافظ شبیر احمد عثماني په خپلو خبرو کې د یاد روزنیز ورکشاپ په دایرېدو خوښي وښوده او زیاته یې کړه، چې د نوې مالي تګلارې جوړول به د شفافیت، حساب ورکونې او اغېزمن مالي مدیریت په برخه کې مهم ګام وي او د مالي چارو مدیریت به لا پیاوړی کړي.
