کار، عاید او هيله؛ بلخ کې ۲۳۳ تنو کاريګرو ته کاري فرصتونه برابر شول

سې شنبه، ۱۱ صَفَر ۱۴۴۷
د افغاني سرې میاشتې له لوري د بلخ ولایت د چهاربولک ولسوالۍ د سالار تېپې په کلي کې د کار په بدل کې د شپږ میلیونه او اووه سوه زره (۶،۷۰۰،۰۰۰) افغانیو په ارزښت د نغدو پيسو د ورکړې پروژه پیل شوه، چې له مخې به يې ۲۳۳ تنو کاریګرو ته د کار زمینه برابره شي.
د یادې  پروژې له لارې به (۳۶۰) مترمربع د سربند دیوال د کانکریټ،  (۹۰۰) مترمربع د کانالونو د پاکولو چارې او د پنځو کلیو  (۲۸) پیکاله زراعتي ځمکو ته اوبه ورسول شي، چې په کې به هر مسلکي کاریګر ته به په ورځني ډول ۱۰۰۰ افغانۍ او هر غیر مسلکي کاریګر ته ۵۰۰ افغانۍ ورکړل شي.