د افغاني سرې میاشتې پلاوي د ترکیې سرې میاشتې له مسئولینو سره د بشري همکاریو د پراختیا په موخه وکتل
د افغاني سرې میاشتې پلاوي د ترکیې سرې میاشتې له مسئولینو سره د بشري همکاریو د پراختیا په موخه وکتل
سه شنبه، ۶ ذوالحجه ١۴۴۶
د افغاني سرې میاشتې د سکرتر جنرال د مرستیال ښاغلي مولوي عبد اللطیف ثابت په مشرۍ ترکیې ته تللي پلاوي تېره ورځ د خپل رسمي سفر په ترڅ کې د یاد هېواد د سرې میاشتې، نړیوالو پروګرامونو، عملیاتو او کډوالۍ څانګو له مسئولینو سره د راستنېدونکو کډوالو د لاسنیوي، د طبيعي پېښو پر وړاندې د مبارزې او د همکاریو د پراختیا په موخه وکتل.
یاد پلاوي، کتنه کې په هېواد کې د روانو بشرپاله فعالیتونو په اړه د معلوماتو د وړاندې کولو ترڅنګ له ګاونډیو هېوادونو د راستنېدونکو کډوالو پر ملاتړ او هغوی ته د مرستو او کاري فرصتونو په رامنځته کولو ټینګار وکړ.
کتنه کې د ترکیې سرې میاشتې د نړیوالو پروګرامونو مسئول ژمنه وکړه، چې افغاني سرې میاشتې سره به خپلو همکاریو ته دوام ورکړي او له دې خیریه ملي ټولنې سره به مرستې لا پراخې کړي.
نوموړي هیله وښوده، چې راتلونکې کې به د ریل ګاډي له لارې افغانستان ته نورې بشري مرستې هم واستول شي.
