د افغاني سرې میاشتې سرپرست عمومي رئیس په افغانستان کې د نړیوال فدراسیون له مسئول سره وکتل!
د افغاني سرې میاشتې سرپرست عمومي رئیس په افغانستان کې د نړیوال فدراسیون له مسئول سره وکتل!
نن دوشنبه د رجب میاشتې پر ۱۲مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور په افغانستان کې د نړیوال فدراسیون له مشر ښاغلي نېسېفور مګینډي او مل پلاوي سره په خپل کاري دفتر کې د بشري مرستو د جلب په موخه ناسته وکړه.
د افغاني سرې میاشتې سرپرست عمومي رئیس دوى ته د ښه راغلاست ويلو ترڅنګ په خپلو څرګندونو کې د نړيوال فدراسيون څخه د ژمي په درشل کې له سړې هوا د اړمنو او بېوزله وګړو د ژغورنې په پار د ژمنۍ البسې برابرولو غوښتنه هم وکړه.
ورپسې د نړیوال فدراسیون مشر په خپلو خبرو کې د فنلینډ او جاپان هېوادونو له لوري د غیرې خوراکي توکو د مرستې برابرولو ترڅنګ د برتانیې هېواد له لوري هم نیږدې راتلونکي کې د غیرې خوراکي توکو د مرستې رارسېدو خبره وکړه.
همدارنګه د افغاني سرې مياشتې پلاوي چې په وروستيو کې جینوا ته سفر کړى وه، هلته د ترسره شوي کنفرانس څخه ترلاسه شوي معلومات د ياد پلاوي له لوري د مرکز او زونونو له کارکوونکو سره د ورکشاپ له لارې د شریکولو او د نړيوال فدراسيون له لوري د ترکیې هېواد په انقره کې د ساتنې او خوندیتوب په برخه کې د ۵ کسانو د روزنې ژمنه وشوه.
