په بلخ ولايت کې د بې سرپرسته کونډو لپاره د خياطۍ او ګلدوزۍ د زده کړو ښوونيز مرکزونه پرانستل شول!
په بلخ ولايت کې د بې سرپرسته کونډو لپاره د خياطۍ او ګلدوزۍ د زده کړو ښوونيز مرکزونه پرانستل شول!
نن سه شنبه د جمادي الآخر د میاشتې پر ۲٢مه، د افغاني سرې میاشتې له لوري د بلخ ولايت د مرکز اړوند په بېلابېلو ناحيو کې د بې سرپرسته کونډو د ځان بسياينې په موخه د خياطۍ او ګلدوزۍ د زده کړو نهه ښوونيز مرکزونه پرانستل شول.
د قطر د سرې مياشتې په مالي ملاتړ به په يادو ښوونيزو مرکزونو کې ١٠٠ بې سرپرسته کونډو ته د خياطۍ او ګلدوزۍ برخه کې د درې مياشتنيو زده کړو زمينه برابره شي چې د خياطۍ د زده کړې هرې کورنۍ ته به ۲۶ قلمه او د ګلدوزۍ د زده کړې ترلاسه کولو هرې بې سرپرسته کورنۍ ته ۱۴ قلمه توکي وسپارل شي.
ياده دې وي چې د خياطۍ او ګلدوزۍ اړوند توکو ټول لګښت شاوخوا يو ميليون دوه سوه شل زره افغانۍ کېږي.
