افغاني سره میاشت ځوان کهول ته چې په شخصي لګښت د زده کړې توان نه لري، په ټول هیواد کې ۳۵ ښوونیز مرکزونه لري
افغاني سرې میاشتې د هېواد ځوان کهول ته چې په شخصي ښونیزو مرکزونو کې د فیس ورکولو توان نه لري؛ په ټول هېواد کې ٣٥ ښوونیز مرکزونه لري. پر همدې بنسټ د پکتیا ولایت ښوونیز مرکز په تېرو ۳ میاشتو کې ۲۷۷ زده کوونکو ته په بېلا بېلو برخو لکه؛اسلامي ښوونه، سیرت النبي، لیک لوست، ریاضي، انګلیسي او کمپیوټر برخو کې د زده کړې ورکړې دي.
په یاده موده ۲۷ تنه زده کوونکي د زده کړو له پشپړولو وروسته فارغ او پاتې ۲۵۰ تنه لا هم په زده کړو بوخت دي.
