لغمان!
د افغاني سرې میاشتې له عمده فعاليتونو يو هم هېوادوالو ته روغتیایي خدمات وړاندې کول دي، په همدې موخه لغمان ولايت کې د افغاني سرې مياشتې ثابت کلينيک او ګرځند روغتیايي ټيم په تېره يوه مياشت کې ټولټال ۱۰۰۶۲ هېوادوالو ته بېلا بېل وړيا روغتیایي خدمات وړاندې کړي،چې له دې جملې یې ٣٢٨٢ ناروغانو كتنه کړې او وړيا درمل يې ورکړي، ٥١٩ ميندو ته يې له زيږون مخکې او وروسته اړينې مشورې ورکړي، ١١٨ ټپيان يې پانسمان کړي، ۱۰۲۲ ماشومانو او ښځینه ناروغانو ته یې بېلا بېل واکسینونه تطبیق کړي، ۱۰۳۱ خوارځواکو ماشومانو ته ځانګړي خوراکي توکي ورکړي.د دې تر څنګ يې ٤٠٩٠ هېوادوالو ته د روغتيا ساتنې په اړه لازمې لارښوونې او عامه پوهاوی ورکړی.
