غزني!
نن د ربیع الاول په ۲۰مه، د افغاني سرې میاشتې مرستیال ښاغلي ملا نور الدین ترابي د قطر هېواد د سرې میاشتې په مالي ملاتړ د غزني ولايت په مرکز شمس العارفين ثابت روغتيايي مرکز کې د ۳۳۶ تنو د سترګو وړیا عملیاتو د پروژې پرانیسته وکړه. ښاغلي ترابي د یادې پروژې د پرانیستې پر مهال د قطر هیواد د سرې میاشتې له استازو د مننې تر څنګ وويل "د سترګو وړیا عملیاتو دا پروژه به له غزني وروسته زابل، فراه، بادغیس، بدخشان، تخار او فاریاب ولایتونو کې هم پیل شي، چې په ټوله کې به د ۲۳۵۰ تنو وړيا عمليات ترسره شي".
