د دندې اعلان

د دندې عنوان: د سراپا (OPD) څانګې د مراجعینو د تصنیف نرس (OPD and Triage Nurse)

اړونده اداره: د افغاني سرې میاشتې ټولنه

د دندې ځای: کابل، نهمه ناحیه، د پل پادشاه سیمه، د سوري زړه پر ناروغۍ داخته زېږېدلیو ماشومانو د درملنې روغتون

اړونده څانګه: د روغتیايي خدمتونو ریاست، د ماشومانو د زړه روغتون

بست:  

د بستونو شمېر:  ۴

راپور: د ماشومانو د زړه روغتون رئیس ته

راپور اخیستل له:  

د بست کوډ نمبر :  hr@0043

د اسنادو د استولو وروستۍ نېټه:
١۴۴۶/۱۱/۲۴
۱۴۰۴/۳/۱
2025/May/22

د دندې موخه:

مراجعینو ته په روغتون کې د نرسنګ برخه کې د سراپا (OPD) خدمتونو ترلاسه کولو او یا هغو ماشومانو او لویانو ته، چې د زړه پر ناروغۍ اخته وي د لومړنۍ ارزونې، لومړیتوبونو او معیاري پروتوکولو د اجرا له لارې د کیفیت د ښه والي، بې نظمۍ راکمولو او بېړنیو پېښو ته د لومړیتوب ورکولو  او تصنیف (Triage) برخه کې په اغېزمنه توګه د خدماتو له وړاندې کولو څخه ډاډ ترلاسه کول.

وظیفوي مسئولیتونه:

۱. د تصنیف یا triage څانګې ته د ننوتلو پر مهال د ناروغانو او مراجعینو لومړنۍ ارزونه ترسره کول او د نښو شدت ته په کتو لومړیتوب ورکول.

۲. د سراپا OPD برخه کې د ترسره کېدونکو خدماتو، چې په هغو کې منل، ثبت او ناروغانو ته لارښوونې کول شامل دي، مدیریت کول.

۳. مهمې نښې ( د بدن تودوخه، نبض، نظم، ساه اخیستل او د وینې فشار) څارل او طبي ټيم ته بدلونونو مستند کول.

۴. د MoPH له معیاري پروتوکولونو او د ډاکټر له لارښوونو سره سم درمل او سیرومونه تجویزول. 

۵. ناروغانو ته د نرسنګ لوړ کیفیت لرونکي خدماتو وړاندې کول لکه د پانسمان تطبیق او د رګ ( IV ) له لارې د درملو ورکړه. 

۶. په HMIS/EHR سیستم کې د ناروغانو د تشخیص او درملنې معلومات ثبتول او د دوسیو له بشپړتیا څخه ډاډ ترلاسه کول.

۷.  د پېچلیو مواردو د بیا کتنې په پار د روغتيايي ټيم د ویزيټونو او سهارنیو لیدنو په راپورونو کې ګډون کول. 

۸. د کیفیت د ښه والي د کمیټو په غونډو کې ګډون کول او د نرسنګ د خدماتو د لوړتیا برخه کې شوې پرېکړې عملي کول.

۹. د OPD او تصنیف triage  د پروتوکولو په لیکلو او بیا کتلو کې مرسته کول.

۱۰. د ناروغ کورنۍ ته له ویزيټ وروسته د روغتیايي څارنې، اختلالاتو او انتاناتو څخه د مخنيوي په اړه زده کړې ورکول.

۱۱. په کره توګه د کنټرول پروتوکولونه اجرا کول، له انتاناتو مخنیوی او د طبي اشغال دانیو د تفکیک مدیریت ترسره کول.

۱۲. د شپې شیفټونه ترسره کول او د شیفټ بندۍ له جدول سره سم بېړنیو اړیکو ته ځواب ویل، نظم ساتل او په کاري چاپېریال کې اسلامي حجاب رعایتول.

۱۳. ټاکل شویو موخو ته د رسېدو په پار د سراپا OPD او تصنیف triage د څانګو میاشتنی او ربعوار کاري پلان جوړول.

۱۴. د نرسنګ د مدیریت ریاست ته د نرسنګ برخه کې د ترسره شویو فعالیتونو میاشتني، ربعوار او کلني راپورونه او طبي اسناد وړاندې کول.

۱۵. د افغاني سرې میاشتې ټولنې له بنسټیزو اصولو سره سم د عامې روغتیا وزارت قوانینو او مقرراتو ته په کتو د روغتون د ریاست له لوري سپارل شوې دندې ترسره کول.

وړتیاوې:

۱. د هېواد له دولتي یا شخصي پوهنتون څخه د نرسنګ (BSc Nursing) برخه کې د لیسانس ديپلوم درلودل ، چې د عامې روغتیا وزارت MoPH) یا د افغانستان د نرسنګ له شوار سره ثبت وي.  

۲. په روغتون یا د سراپا خدماتو په کلینیک یا د برېښنايي ګراف اخیستلو او ناروغانو د تصنیف څانګو کې د کار کولو کم تر کمه ۲ کاله تجربه درلودل.

۳. د تصنیف او نرسنګ برخه کې د بېړنیو مراقبتونو وړاندې کولو سرټيفیکیټ BLS/ACLS درلودل.

۴. د HMIS/EHR له کمپيوټري مهارتونو او سیستمونو سره بلدتیا درلودل.

۵. د فشار پر مهال د کار کولو او په بېړنیو شرايطو کې د پرېکړو وړتیا درلودل.

۶. وخت ته ارزښت ورکول او لوړ مسلکي اخلاق درلودل.

۷. په ملي (پښتو او دري) ژبو تسلط درلودل او د ناروغانو دوسیو د ترتیب او کاري راپور جوړولو په موخه په انګلیسي ژبه پوهېدل.

ګرانو کاندیدانو!

د خپلو تعلیمي سندونو ( سي وي/لنډیز، تعلیمي اسنادو، کاري تجربو تصدیقونه او تذکره) پي ډي اف بڼه لاندې  برېښنا لیک ته د ثبت په موخه و استوئ.

برېښنا لیک:
hr@arcs.af

د اړیکې شمېره: ‪
+93-706-750-299

یادونه: نا تکمیله  اسناد د منلو وړ نه دي.