د افغاني سرې میاشتې مرستیال ښاغلي ملا نورالدین ترابي په افغانستان کې د IHH خیریه مؤسسې له مشر سره په خپل کاري دفتر کې ولیدل!
د یادې ناستې پر مهال په افغانستان کې د IHH خیریه مؤسسې مشر د ۵۰۰۰ سیلاب ځپلیو کورنیو سره په لسو ولایتونو کې د خوراکي توکو د مرستې د وېشنې په اړه خبرې وکړې.
نوموړي وویل چې دغه خوراکي توکي به په لسو ولایتونو کې هغه خلکو ته ورسیږي چې د وروستیو سیلابونو له امله بېځایه شوي دي.
ددې ترڅنګ یې وویل چې یاده مؤسسه غواړي، پېښو ته د ښې او پر وخت رسیدګۍ په برخه کې ۳۴ روزونکي وروزي تر څو په ټولو ولایاتو کې پېښو ته پر وخت او سمه رسېدنه وشي. په مقابل کې د افغاني سرې میاشتې مرستیال ښاغلي ملا نورالدین ترابي د یادې خیریه مؤسسې له مشر څخه د مرستو په اړه مننه وکړه، د هر راز همکارۍ او تخنیکي ټیمونو د برابرولو په تړاو یې ډاډ ورکړ.
