د افغاني سرې میاشتې عمومي رییس د نړیوال فدریشن د سکرتر جنرال له مرستیالانو سره لیدنه وکړه!
د افغاني سرې میاشتې سرپرست عمومي رییس مولوي مطیع الحق خالص جینوا ته د سفر پر مهال پرون د ملي ټولنو د نړیوال فدریشن د سکرتر جنرال له مرستیالانو حاویر او نینا سره ناسته ترسره کړه.
په دې ناسته کې له بېلابېلو خیریه ټولنو او مرسته کوونکو سره پر را روانه ناسته خبرې او بحثونه وشول. له خیریه ټولنو او مرسته کوونکو سره د افغاني سرې میاشتې د سرپرست عمومي رییس ښاغلی مولوي مطیع الحق خالص ناسته افغانستان ته د مرستو د جلب په موخه ترسره کېږي.
