ننګرهار ولایت:
د محرم الحرام پر ۲۲مه ننګرهار ولایت کې د چپرهار او روداتو ولسوالیو او د جلال اباد مرکز اړوند شیخ مصري، بیزِ اکمالاتي، نجم الجهاد مېنې ۳۰۰ سیلاب ځپلو کورنیو ته د ترکیې د سرې میاشتې له لوری چمتو شوې مرسته وویشل شوه. وروستیو سیلابونو په دې ولایت کې سلګونه کورنۍ زیانمنې کړي؛ له همدې امله د افغاني سرې میاشتې سرپرست عمومي رییس ښاغلي مولوي م.ط.ی.ع ال_حق خا_لص ننګرهار ولایت ته سفر وکړ. یادو کورنیو ته د مرستې ویش د افغاني سرې میاشتې د سرپرست عمومي رئیس ښاغلي مولوي مطیع الحق خالص او افغانستان کې د ترکیې د سرې میاشتې مشر فرید ضیاء په لاس ترسره شو.نوموړي د مرستې له ویش وړاندې له خبریالانو سره په خبرو کې پر نړیوالو غږ وکړ، چې بشري مرستې دې په سیاست پورې نه تړي. نوموړي وویل "افغانستان دا مهال له سختو طبیعي پېښو سره مخ دی او اړتیا ده، چې نړیوال یې بې له کوم قیده لاسنیوی وکړي. ښاغلي مولوي مطیع الحق خالص وویل"پر افغانستان اقتصادي بندیزونو بشري ناورین پراخ کړی؛ لازمه ده نړیوال پر افغانستان لګیدلي بندیزونه زر تر زره لرې کړي؛ ترڅو بشري مرستې افغانستان ته په اسانه او له ځنډ پرته راشي".
د افغاني سرې میاشتې سرپرست عمومي رئیس ښاغلي مولوي مطیع الحق خالص سیلاب ځپلو کورنیو ته ډاډ ورکړ، چېافغاني سره میاشت تل هڅې کوي د پېښځپلو لاسنیوی له هر چا وړاندې وکړي. نوموړي وویل "افغاني سرې میاشتې ثابته کړې، چې پېښځپلو ته له هر چا مخکې ځان ورسوي او د اړمنو لاسنیوی وکړي، خو د نړیوالو بندیزونو زمونږ چټک ګامونه او پراخ فعالیت ټکنی کړی".
