کاپیسا کې له ۱۲ سېلاب ځپلو کورنیو سره د غیر خوراکي توکو مرسته وشوه

یکشنبه، ۱۲ ربیع الآخر ۱۴۴۷
د افغاني سرې میاشتې له لوري په کاپیسا ولایت کې د سختو ورښتونو له امله ۱۲ سېلاب ځپلو کورنیو سره څلور قلمه د غیر خوراکي توکو مرسته وشوه، چې په کې هرې کورنۍ ته اووه کمپلې، یو ترپال، یو سیټ د پخلنځي توکي او دوه د اوبو بوشکې ورکړل شوې.
همدا راز د یاد ولایت په نجراب ولسوالۍ کې له یوې بلې سېلاب ځپلې کورنۍ سره، چې د کورنۍ یو تن غړي یې خپل ژوند له لاسه ورکړی و؛ یوه اندازه نغدي مرسته هم وشوه.