هرات؛ په ۱۹ ولسوالیو او ۱۵ ښاري ناحیو کې د ولایتي مجامعو ۱۷۰ نوي غړي وټاکل شول

arcs_website_admin
چهارشنبه ۱۴۰۵/۸/۶ - ۱۰:۴
H

چهارشنبه، ۱۶ جمادی‌ الأولى ۱۴۴۸

افغاني سرې میاشتې په هرات ولایت کې د ۱۹ ولسوالیو او ۱۵ ښاري ناحیو لپاره د ولایتي مجامعو د نویو غړو د ټاکنې او پېژندنې بهیر بشپړ کړ، چې په ترڅ کې یې ۱۷۰ مخور شخصيتونه، قومي مشران او لوستي ځوانان د مجامعو د نویو غړو په توګه وټاکل شول.

د ټاکنې او پېژندنې په غونډو کې ګډونوالو ته د افغاني سرې میاشتې د بشردوستانه فعالیتونو او لاسته راوړنو، د ولایتي مجامعو د ارزښت، د غړو د دندو او مسوولیتونو او د خلکو د ستونزو په حل کې د هغوی د رول په اړه معلومات ورکړل شول.

دغه بهیر د ولایتي مجامعو د رئیس مولوي ګل‌ الرحمن مهاجر په سرپرستۍ ترسره شو.

د ټاکل شوي جوړښت له مخې، په هره ولسوالۍ او ښاري ناحیه کې پنځه غړي ټاکل شوي، چې یو تن یې د رئیس او څلور نور یې د فعالو غړو په توګه خپلې چارې مخته وړي.

نوي غړي به په خپلو سیمو کې د طبیعي او غیر طبیعي پېښو له امله د زیانمنو خلکو اړتیاوې معلوموي، له اړوندو ټیمونو سره به د بشردوستانه فعالیتونو په ترسره کولو کې همغږي کوي او د اړونده سیمو د وضعیت په اړه به راپور ورکوي.

 دوی به همدا راز د اړمنو خلکو اړتیاوې له افغاني سرې مياشتې سره شریکوي، څو بشردوستانه خدمتونه پر وخت او اغېزمن ډول ترسره شي.

تازه خبرونه

شنبه ۱۴۰۵/۸/۳۰ - ۱۴:۲۵
Background image

بامیانو کې د شونډو او تالو چاود لرونکو ۲۰۰ ماشومانو ته وړیا جراحي عملیات ترسره شول

شنبه، ۱۰ جمادى ‌الآخره ۱۴۴۸

د جرمني هېواد د شونډو او تالو چاود په برخه کې متخصصو روغتیاپالانو د آغا خان بنسټ په ملاتړ په بامیان ولایت کې د دغو ناروغیو لرونکو ۲۰۰ ماشومانو وړیا جراحي. . .

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

BACK TO NEWS