کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

arcs_website_admin
شنبه ۱۴۰۵/۸/۳۰ - ۹:۲۵
K

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په اړه څلور ورځنی روزنیز ورکشاپ پیل شو.

دغه روزنیز ورکشاپ د ملي ټولنو نړیوال فدراسیون په مالي ملاتړ ترسره کېږي او موخه یې د مالي چارو په برخه کې د کارکوونکو د مسلکي پوهې لوړول او د مالي کړنلارو او اصولو د سم پلي کېدو پیاوړتیا ده.

د ورکشاپ د پرانیستې په مراسمو کې د افغاني سرې میاشتې د سکرتر جنرال عملیاتي مرستیال مولوي روح‌ الله عبدالسلام د مالي چارو د منظم مدیریت پر اهمیت خبرې وکړې او ویې ویل، چې د مالي چارو اغېزمن مدیریت د ادارې د موخو په تحقق او د چارو په ښه تنظیم کې مهم رول لري.

نوموړي له ګډونوالو وغوښتل چې له دې ورکشاپ څخه اعظمي ګټه واخلي او ترلاسه شوې پوهه او تجربې په خپلو کاري برخو کې عملي کړي.

د څلور ورځني ورکشاپ په ترڅ کې به ګډونوالو ته د مالي طرزالعملونو، مالي مدیریت، د عوایدو او لګښتونو د تنظیم، مالي اسنادو او اړوندو کاري کړنلارو په اړه عملي او اړین معلومات وړاندې شي.

افغاني سره میاشت د مالي چارو د لا ښه تنظیم او د ټاکلو اصولو او کړنلارو د پلي کېدو له لارې د ادارې د شفافیت، حساب ورکونې او اغېزمنتیا د پیاوړتیا لپاره خپلو کارکوونکو ته روزنیزو پروګرامونه دايروي.

تازه خبرونه

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

شنبه ۱۴۰۵/۸/۳۰ - ۵:۲۴
Background image

پکتيا کې زرګونو ناروغانو ته پراخ روغتيايي خدمتونه وړاندې شوي

شنبه، ۱۰ جمادی الآخره ۱۴۴۸ 

د افغاني سرې میاشتې روغتیايي کارکوونکو د پکتیا ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۷۵۹۹ تنو سراپا ناروغانو ته د معاینې، اړینو. . .

BACK TO NEWS