د هېواد په ټولو ولايتونو کې د افغاني سرې مياشتې اړوند ټولو کارکوونکو ته د افغاني سرې میاشتې د عمومي رئيس حکم!
په ټول هېواد کې د افغاني سرې میاشتې مسؤلینو، ژغورونکو، روغتیاپالو او رضاکارانو! السلام عليکم ورحمة الله وبرکاته!
تاسې ټول خبر ياست، چې د هېواد ټول ولايتونه بیګاه شديدې زلزلې ولړزول، چې ممکن ځاني او مالي زیان ولري؛ زمونږ وجیبه د طبیعي پېښو په وخت له بل هر وخت زياته ده؛تاسې ټولو مسؤلينو ته لارښوونه کېږي، چې د افغاني سرې میاشتې مشرتابه امر ته دې انتظار نه کوي او هغو سيمو ته چې زلزلې په کې ځاني یا مالي زیان اړولی وي؛ په بیړه ځان ورسوي او له خپلو ټولو شته امکاناتو په استفاده د ولس لاسنیوي وکړي.
والسلام
الحاج مولوي مطيع الحق خالص
د افغاني سرې مياشتې سرپرست عمومي رئيس
