د افغاني سرې میاشتې مرستیال الحاج ملا نورالدین ترابي د قطر هېواد د سرې میاشتې له استازي ښاغلي احمد سره لیدنه ترسره کړه!
یکشنبه د ۱۴۴۴ سپوږمیز کال د محرم الحرام پر دویمه د افغاني سرې میاشتې مرستیال الحاج ملا نورالدین ترابي د قطر هېواد د سرې میاشتې له استازي ښاغلي احمد سره په خپل کاري دفتر کې لیدنه ترسره کړه.
په دې لیدنه کې ښاغلی ترابی صیب د افغانستان په ډېری ولایتونو کې د سختې وچکالۍ په اړه معلومات وړاندې کړل او د قطر هېواد د سری میاشتی له استازی څخه یې غوښتنه وکړه، چی د څښلو د اوبو لپاره د ژورو څاه ګانو په کیندلو کی له افغاني سرې میاشتې سره مرسته وکړي.
ورپسی د قطر د سرې میاشتې استازي ښاغلی احمد ژمنه وکړه چی په لومړي پړاو کی به په اورزگان او سمنکان ولایتونو کې او په دوهم پړاو کی به ان شاءالله د صحی اوبو د ژورو څاه ګانو کیندلو پروسه، اړتیا ته په کتو نورو ولایتونو ته هم وغځوي.
په پای کې ښاغلي احمد د هغو پروژو راپور چې د قطر د سرې میاشتې په مرسته او افغاني سری میاشتې په همغږۍ په افغانستان کې ترسره شوي او جریان لري؛ معلومات او راپور وړاندی کړ.
