د افغاني سرې میاشتې له لوري ۵ زره اړمنو کورنیو ته خوراکي او غیر خوراکي توکي وېشل شوي دي
سې شنبه، ۴ صَفَر ۱۴۴۷
د افغاني سرې میاشتې له لوري، د هندوستان هېواد په مالي همکارۍ د هېواد په شپږو ولایتونو کې پنځه زره اړمنو، بېسرپرسته او پېښځپلو کورنیو ته ۲۱۰ ټنه د خوراکي او غیر خوراکي توکو مرستې وېشل شوي دي.
یادې مرستې په پکتیکا کې ۱۵۰۰، بدخشان کې ۱۵۰۰، کندهار کې ۱۲۵۰ او په هلمند، زابل او ارزګان کې ۲۵۰ ـ ۲۵۰ کورنیو ته وېشل شوې دي.
په وېشل شوې مرسته کې هرې کورنۍ ته په خوراکي توکو کې (اوړه، غوړي، وریژې، بوره، لوبیا، دال، مکروني، مۍ، مالګه او بیسکوټ) او په غير خوراکي توکو کې د کاليو مينځلو شامپو او د لاس مينځلو صابونونه ورکړل شوې دي.
ددې مرستو موخه د اړمنو کورنیو اقتصادي ستونزو ته رسېدنه او د هغوی د ژوند اړینې اړتیاوې پوره کول وه.
