د افغاني سرې میاشتې عمومي سرپرست رییس مولوي مطیع الحق خالص دوحه کې د قطر د سرې میاشتې او نړیوال فدراسیون له مشرانو سره ناسته ترسره کړه!
دوحې ته د افغاني سرې میاشتې د عمومي سرپرست رییس مولوي مطیع الحق خالص په مشرۍ د افغاني سرې میاشتې تللي پلاوي د قطر د سرې میاشتې له رهبرۍ او د نړیوال فدراسیون له مشرانو سره درې اړخیزه ناسته ترسره کړه. په یاده ناسته کې په سیمه کې پر شته ستونزو او د ستونزو پر حل خبرې وشوې او د قطر د سرې میاشتې رهبرۍ ژمنه وکړه، چې په افغانستان کې به نوې بشري پروژې پیل کوي او شته فعالیتونو ته به پراختیا ورکوي.
د افغاني سرې میاشتې عمومي سرپرست رییس مولوي مطیع الحق خالص نړیوال فدراسیون او قطر سرې میاشتې ته ډاډ ورکړ، چې د دوی مرستې به په پوره شفافیت بې له ځنډه اړمنو ته رسېږي او د نویو پروژو په تقویې کې به پوره مرسته کوي.
