خوست کې ۵۰۰ کورنیو ته د افغاني سرې میاشتې له لوري مرسته وویشل شوه!
نن د شنبې په ورځ د روان ۱۴۰۱ لمریز کال د وري پر ۱۳مه د روژې پر لومړۍ ورځ د افغاني سرې میاشتې له لوري د خوست ولایت په ګربز ولسوالۍ کې ۵۰۰ بېوزلو او اړمنو کورنیو ته د خوراکي توکو مرسته د افغاني سرې میاشتې د سویل لویدیځ زون د رییس مولوي الیاس خېل ناصري په لاس وویشل شوه.
یاده مرسته، چې د ترکيې د سرې میاشتې له لوري چمتو شوې وه؛ په کې هرې کورنۍ ته په ورکړل شوې مرسته کې اوړه، غوړي، مالګه، مکروني، ترميده اوړه او د رومیانو رُوب شامل وو.
