بغلان ولایت کې د افغاني سرې میاشتې ټولنې له لوري ۵۰۰ اړمنو او بېوزله کورنیو سره د خوراکي او غیر خوراکي توکو مرسته ترسره شوه!
د جمعې په ورځ د روان ۱۴۰۱ لمریزکال د وری (حمل) میاشتې پر ۵ مه نېټه د بغلان ولایت د نهرین ولسوالۍ بېلابېلو اړمنو او بېوزله کورنیو سره ، چې سروې یې مخکې ترسره شوې وه د افغاني سرې میاشتې ټولنې له لوري د خوراکي او غیر خوراکي توکو مرسته، چې د ترکیې هېواد د سرې میاشتې له لوري چمتو شوې وه ووېشل شوه.
په یاده مرسته کې هرې کورنۍ ته ۵۰ کیلو اوړه، ۶ لیتره غوړي، او یوه بسته، چې ۵ کیلووریژې، ۳ کیلو لوبیا، ۳ کیلو دال نخود، ۵ قوطي کنسر، ۲ کیلو آش، ۲ کیلو بوره او په غیر خوراکي توکو کې یوه تخته کمپله شامله وه.
