بشري چارو کې د نړیوالو ملي ټولنو د همغږۍ آنلاین ناسته وشوه
سې شنبه، ۱۱ جمادي الآخر ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور د ملي ټولنو نړیوال فدراسیون د مرکزي دفتر په نوښت د ۸۲ هېوادونو ملي ټولنو له مسؤولینو سره د بشري خدمتونو برخه کې د ښې همغږۍ، ګډو همکاریو پر لارو چارو، لاسته راوړنو د ارزونې او بشرپالو فعالیتونو د پراختیا په موخه آنلاین ناسته وکړه.
ناسته کې ښاغلي دلاور په خپلو څرګندونو ټينګار وکړ، چې د نړیوالو ملي ټولنو تر منځ منظمه همغږي او همکاري د بشري خدمتونو په چټکتیا، اغېزمنتیا او شفافیت کې مهم رول لري او زیاته یې کړه چې دا ډول ناستې د تجربو شریکولو او مؤثرې همکارۍ لامل ګرځي.
د ناستې ګډونوالو هم د بشري خدمتونو برخه کې ترلاسه کړې تجربې شریکې کړې، د ستونزو، لاسته راوړنو او راتلونکو پلانونو په اړه یې تفصیلي بحثونه وکړل او پر ګډو بشري هڅو ټینګار وشو.
