کابل؛ افغاني سرې میاشتې او د بریتانیا سره صلیب د بشري همکاریو پر پراختیا ټینګار وکړ

arcs_website_admin
چهارشنبه ۱۴۰۵/۸/۲۷ - ۱۲:۲
K

چهارشنبه، ۷ جمادى الآخره ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور د بریتانیا سره صلیب د نړیوالو چارو له اجرائیوي مشر ریچارډ بلویټ، د افغانستان او پاکستان لپاره د یادې ادارې له استازي جېرمي سمیت او مل پلاوي سره د بشري او روغتیايي همکاریو د پراختیا او همغږۍ په اړه خبرې وکړې.

په دې ناسته کې د افغاني سرې میاشتې د بشري او روغتیايي خدمتونو په اړه معلومات وړاندې شول. شيخ الحديث دلاور وویل، افغاني سره میاشت د بې‌ سرپرسته مېرمنو د ملاتړ او ځان‌ بسیاینې، پېښځپلو او راستنېدونکو کډوالو د لاسنیوي، رواني ناروغانو د درملنې او د قلبي روغتون له لارې د سوري زړه ناروغۍ لرونکو ماشومانو د درملنې او عملیاتو ترڅنګ، په لرې پرتو سیمو کې هم روغتیايي خدمتونه وړاندې کوي.

نوموړي د بشري او روغتیايي خدمتونو د لا پیاوړتیا لپاره د بریتانیا سره صلیب همکاري مهمه وبلله او د همکاریو د پراختیا غوښتنه یې وکړه.

د بریتانیا سره صلیب د نړیوالو چارو اجرائیوي مشر د افغاني سرې میاشتې بشري او روغتیايي خدمتونه مهم او اغېزمن وبلل او د مرکزي او قلبي روغتونونو او مرستون له لارې یې ترسره کېدونکي خدمتونه وستایل.

ریچارډ بلویټ د دواړو ادارو ترمنځ د بشري خدمتونو په برخه کې د پنځه کلن مشارکتي تړون له مخې د همکاریو پر دوام ټینګار وکړ.

افغاني سره میاشت د بشري او روغتیايي خدمتونو د پیاوړتیا او اړمنو خلکو ته د لا اغېزمنو خدمتونو د رسولو لپاره د سرو مياشتو او سرو صليبونو نړیوال غورځنګ له غړو سره د همکاریو او همغږۍ پراختیا ته دوام ورکوي.

تازه خبرونه

چهارشنبه ۱۴۰۵/۸/۲۷ - ۱۵:۱۴
Background image

د مشعل بیات ښوونځي پر ۱۰۶۵ زده‌ کوونکو قرطاسیه او بکسې ووېشل شوې

چهارشنبه، ۷ جمادى الاخره ۱۴۴۸

د افغاني سرې میاشتې له لوري ددې ادارې اړوند د کابل مشعل بیات ښوونځي پر ۱۰۶۵ زده‌ کوونکو قرطاسیه او بکسې ووېشل شوې.

د یادو توکو د وېش مراسمو کې په. . .

چهارشنبه ۱۴۰۵/۸/۲۷ - ۱۲:۱۳
Background image

کندز؛ د ۳ روغتیايي بستونو لپاره له ۴۸ تنو نوماندانو ازموینه واخیستل شوه

چهارشنبه، ۷ جمادی الآخره ۱۴۴۸

د افغاني سرې میاشتې له لوري په کندز ولایت کې د شمال ختیځ زون د رواني ناروغانو د درملنې او ساتنې مرکز او مرستون آمریت لپاره د ٣ روغتیايي بستونو لپاره د وړ. . .

چهارشنبه ۱۴۰۵/۸/۲۷ - ۱۲:۲
Background image

کابل؛ افغاني سرې میاشتې او د بریتانیا سره صلیب د بشري همکاریو پر پراختیا ټینګار وکړ

چهارشنبه، ۷ جمادى الآخره ۱۴۴۸

د افغاني سرې میاشتې عمومي رئیس شیخ‌ الحدیث شهاب‌ الدین دلاور د بریتانیا سره صلیب د نړیوالو چارو له اجرائیوي مشر ریچارډ بلویټ، د افغانستان او پاکستان لپاره. . .

BACK TO NEWS