کابل؛ د افغاني سرې میاشتې پر ۶۵۹۰ متر مربع ځمکه د ۱۵ کلنې پانګونې د داوطلبۍ ناسته وشوه
چهارشنبه، ۲ شعبان ۱۴۴۷
د افغاني سرې میاشتې له لوري پلازمېنه کابل کې د امیري او اریانا روغتونونو تر شا د دې ادارې اړوند پر ۶۵۹۰ متر مربع ځمکه د شرکتونو له لوري د ۱۵ کلونو پانګونې په موخه د داوطلبۍ ناسته وشوه.
د داوطلبۍ ناسته کې، چې د تهیې او تدارکاتو آمریت له لوري ترتیب شوې وه، ۳ ودانیزو شرکتونو ګډون درلود، چې د اسنادو تر ارزونې وروسته به پر یاده ځمکه د پانګونې قرارداد په شرایطو برابر ګټونکي شرکت ته ورکړل شي.
