بامیان؛ ۱۱ سېلاب ځپلې کورنۍ د غیر خوراکي توکو له مرستې برخمنې شوې
سې شنبه، ۱۱ ذو القعده ۱۴۴۷
د افغاني سرې میاشتې له لوري د بامیان ولایت د کهمرد ولسوالۍ په بېلابېلو سیمو کې ۱۱ سېلاب ځپلې کورنۍ، چې کورونه یې په بشپړ ډول نړېدلي وو، د غیر خوراکي توکو له مرستې برخمنې شوې.
په مرسته کې هرې کورنۍ ته د لنډمهالې سرپناه د برابرولو او د لومړنیو اړتیاوو د پوره کولو په موخه یوه خېمه، ۵ کمپلې، ۱ ترپال، د پخلنځي د توکو یو سیت او یوه د اوبو بوشکه ورکړل شوه.
افغاني سره میاشت ژمنه ده، چې د طبیعي پېښو له امله د زیانمنو کورنیو د لومړنیو اړتیاوو د پوره کولو په برخه کې پر وخت ملاتړ وکړي.
