هرات کې ۱۰۰۰ راستنو شوو کورنیو نږدې ۱۲۰ ټنه د خوراکي او غیر خوراکي توکو مرسته ترلاسه کړه
پنجشنبه، ۱۸ رجب ۱۴۴۷
د افغاني سرې میاشتې د عمومي رئیس ښاغلي شیخ الحدیث شهاب الدین دلاور په ځانګړي هدایت، هرات کې له ۱۰۰۰ راستنو شوو کډوالو کورنیو سره ۱۲ قلمه مختلف النوعه د خوراکي او غیر خوراکي توکو مرسته ترسره شوه.
یاده مرسته چې د ترکیې سرې میاشتې له لوري چمتو شوې وه؛ چې نږدې ۱۲۰ ټنه کېږي، هرې کورنۍ ۵۰ کیلو اوړه، ۱۰ کیلو وریژې، ۵ لیټره غوړي، ۱۰ کیلو دال، ۱۰ کیلو نخود، ۵ کیلو بوره، ۵ کیلو مکروني، ۸۰۰ ګرامه رُب، ۱ کمپله، ۱ بوتل د لوښو مینځلو شامپو او یو شمېر نور د اړتیا وړ توکي ترلاسه کړل.
تمه ده، چې دا مرسته د راستنو شوو کورنیو د خوراکي او غیر خوراکي توکو د لنډمهاله اړتیاوو په پوره کولو کې اغېزمنه تمامه شي.
