کابل!
نن دوشنبه، د روان ۱۴۴۴ سپوږمیز کال د رجب په لومړۍ نیټه، افغاني سرې میاشتې د سوري زړه په ناروغۍ اخته ۱۰ تنه ماشومان، پلازمېنه کابل کې؛ صحت طفل اندراګاندي، او فرانسویانو روغتون ته د عملیاتو او درملنې په موخه ور وپېژندل. افغاني سرې میاشتې د تېرو څو میاشتو په ترڅ کې، د درملنې په موخه د سوري زړه په ناروغۍ اخته ۵۹۱ ماشومان، پلاﺯمېنه کابل کې، بېلابېلو روغتونونو ته ورپېژندلي. د يادونې وړ ده چې د سوري زړه په ناروغۍ اخته د هر ناروغ د درملنې او پایواز لګښت د افغاني سرې میاشتې له لوري تادیه کېږي.
