افغانې سرې میاشتې ۲۰ کورنیو (۱۳۶ تنو) ته د کابل په مرستون کې نغدي مرسته وویشله
سوالګرو او اړمنو کورنیو سره د مرستې د لړۍ په دوام کې نن د صفر المظفر په ۲۲مه افغانې سرې میاشتې ۲۰ کورنیو (۱۳۶ تنو) ته د کابل په مرستون کې نغدي مرسته وویشله چی د کورنۍ هر غړي ته ۲۰۰۰ افغانۍ مرسته ویشل کیږي، په ویډیو کی دوه کورنۍ چې د هرې کورنۍ غړي ۵ تنه دی؛ ۱۰، ۱۰ زره افغانۍ ورکړل. شوي چی د دوی په وینا د کور ستونزې یي پرې تر ډیره بریده حل کیږي، همدارنګه تیره اونۍ هم سوالګرو کورنیو ته افغاني سرې میاشتې نغدي مرستې وېشلې چې یوې میرمنې ته چی د کورنۍ د ۹ غړو پالنه ور تر غاړې وه ۱۸۰۰۰ افغانۍ د میاشتنۍ مرستې په توګه ووېشل شوې چې له خوشالۍ په جامو کې نه ځایېده.افغاني سره میاشت په پام کې لري چی کابل ښار کې ۵۰۰۰ ثبت شویو سوالګرو کورنیو سره نغدي مرستو ته دوام ورکړی او د شونتیا په صورت کې به د مرستو دا پروګرام نورو ولایتونو ته هم وغځوي. تراوسه ددې پروګرام لاندې ټولټال ۱۲۹۶۰۰۰ افغانۍ ويشل شوي.په پام کې ده چې د لا هوساینې په موخه به په راتلونکې کې یادو اړمنو کورنیو سره نغدي مرستې له عزیزي بانک له لارې صورت مومي.
