افغاني سرې مياشتې د کندهار نمايندګۍ او زون کارمندانو د کندهار ولايت د سپین بولدک ولسوالۍ کی د دوه سوه پنځه ویشت (۲۲۵) سيلاب ځپلو کورنیو سروې تر سره کړه
د روان کال ۱۴۴۴ه ق د محرم الحرام په لومړۍ نیټه د افغاني سرې مياشتې د کندهار زون او د کندهار نمايندګۍ کارمندانو او رضاکارانو په سپین بولدک ولسوالۍ کی چې د تیرماښام د سختو بارانونو او سيلابونو له امله ډیره زیاته زیانمنه شوی او خلکو ته ډیر مالي تاوانونه اووښتي، سروې ترسره کړه، د افغاني سرې مياشتې کارمندان او رضاکار سپین بولدک ولسوالۍ کی دخلکو په لاسنیوي، ډاډګیرنې او سروې بوخت دي. د کندهار زون او نماینده ګۍ څخه څلور ټيمونو په نوموړې سروې کي برخه لري، په دی غمجن ناورین کې سره میاشت د خپلو هېواد والو سره ځان شريک بولې، دسروې په جریان کي د کندهار زون رئیس محترم الحاج حاجی اخترمحمد (خادم) او مل پلاوي شتون درلود، د سروی ترڅنګ یی د زیانمونو هیواد والو سره همدردی او د تخریب شویو کورونو څخه یې لیدنه وکړه او د پوره همکاریو ډاډ یې ورکړ، ځايي خلک د سرې میاشتې د رهبرۍ په لیدو خوښ شول. سروې شوی سیمې په دي ډول دي: مرکز او و لسوالۍ کی: بهرام کلي، حاجي اخترمحمد، حیات الله، حاجي کابلی، مسلم، طالب اکا، ښایسته کلى، لالی اباد او یارمحمد کلی. چی وروسته د سروې به ورته مرستې وویشل شي.
