کونړ کې د افغاني سرې میاشتې له لوري ۳۰۰ کورنیو ته مرسته ووېشل شوه!
نن يکشنبه د روان ۱۴۰۰ لمریز کال د کب پر ۸مه نېټه د افغاني سرې میاشتې له لوري د کنړ ولایت دانگام ولسوالۍ کې ۳۰۰ بېوزلو او اړمنو سروې شويو کورنیو ته د کونړ ولایت د سرې مياشتې د نمایندګۍ په انګړ کې د خوراکي او غیر خوراکي توکو مرسته د افغانې سرې مياشتې ټولنې د ختيځ زون د ریيس محترم میا حفظیظ الدین قمري په شتون کې ووېشل شوه.
یاده مرسته، چې د ترکیې هېواد د سرې میاشتې په منځګړیتوب د ترکيې د خلکو له لوري چمتو شوې وه؛ په کې هرې کورنۍ ته ۲۵ کیلو اوړه ، يو کارتن خوراکي توکي او یوه بسته ژمنۍ البسه شامل دي.
