غزني ولایت کې د افغاني سرې میاشتې له لوري ۳۰۰ کورنیو ته مرسته ووېشل شوه!
نن يکشنبه د روان ۱۴۰۰ لمریز کال د کب پر ۸مه نېټه د افغاني سرې میاشتې له لوري د غزني ولایت خوگياڼو ولسوالۍ ۳۰۰ بېوزلو او اړمنو سروې شويو کورنیو ته د غزنې ولایت د سرې مياشتې د نمایندګۍ په انګړ کې خوراکي او غیر خوراکي توکو مرسته د افغانې سرې مياشتې ټولنې مرکزي سويل لويديځ زون ریيس محترم مولوي الياس خيل "ناصري" ، د ترکيې د سفارت استازي محترم عبدالله "دوندار" د غزنې څانګې ریيس محترم مولوي محمد معصوم "مسعود" او د غزني ولایت د سرې مياشتې د نمایندګۍ یو شمېرکارکونکو او رضاکارانو په شتون کې ووېشل شوه.
یاده مرسته، چې د ترکیې هېواد د سرې میاشتې په منځګړیتوب د ترکيې د خلکو له لوري چمتو شوې وه؛ په کې هرې کورنۍ ته ۲۵ کیلو اوړه ، يو کارتن خوراکي توکي، یوه بسته ژمنۍ البسه شامل دي ووېشل شوه.
د افغاني سرې میاشتې ټولنې مرکزي سويل لويديځ زون رییس ښاغلی مولوي الیاس خیل "ناصري" د مرستو د وېش پر مهال د ترکېې هیواد له مرستو مننه وکړه او د یاد هېواد له استازو څخه یی و غوښتل چې دا مرستې لا زیاتې او ګړندۍ کړی تر څو وکولای شو پدې سختو شرایطو کې د بېوزله هیواد والو لاسنیوی وکړو.
.
