کابل؛ د زړه روغتون د کانتین، پخلنځي او سیوري لرونکي ځای د اجارې مزایده ترسره شوه
چهارشنبه، ۸ محرم الحرام ۱۴۴۸
د افغاني سرې میاشتې په مرکزي دفتر کې د دې ادارې اړوند د زړه روغتون د کانتین، پخلنځي او سیوري لرونکي ځای د اجارې په موخه د مزایدې ناسته ترسره شوه.
یاده ناسته، چې د تهیې او تدارکاتو آمریت له لوري تنظیم شوې وه، په کې د شپږو سوداګریزو شرکتونو او حقیقي اشخاصو استازو ګډون کړی و.
ټاکل شوې ده، چې د مزایدې د اسنادو له کره کتنې او ارزونې وروسته د نافذه قوانینو او مقرراتو له مخې د مزایدې له ګټونکي سره د اجارې قرارداد لاسلیک شي.
افغاني سره میاشت هڅه کوي د روڼتیا، عدالت او حساب ورکونې اصولو ته په پام سره خپلې شتمنۍ او تأسیسات په اغېزمن ډول مدیریت کړي، څو له دې لارې د بشري خدمتونو د دوام او پراختیا لپاره لازم امکانات برابر شي.
